Многумина ме познаваат од мојот ангажман во 2015 година, кога заедно со соседите ја започнавме иницијативата „Одбрана на Дебар Маало“, движење кое продолжи во платформата „Шанса за Центар“, а денес здружени на ниво на град Скопје како „НЕЗАВИСНИ ЗЕДНО„. Се спротивставивме и сеуште се спротивставуваме на неконтролираниот урбан развој, а за заштита на јавниот простор, зеленилото и културното наследство. Нашите активистички залагања, низ годините прераснаа во пошироко граѓанско политичко движење, кое со влегувањето во Советот на Општината ми даде можност директно да влијаам врз донесувањето одлуки и да застапувам транспарентни, одговорни и хумани урбанистички политики, иницијативи за сообраќајот и безбедноста, фер буџетирање, учество на младите и застапување на ранливи и маргинализираните групи.